जलेश्वरटुडे समाचारदाता
महोत्तरी, १ मंसिर
मटिहानी नगरपालिकाको मेयर हरि प्रसाद मण्डलद्वारा शुक्रबार बिहान महान आस्थाको महापर्व छठ् अवसरमा गाउँ,घर,आँगन र सडक सरसफाई जनचेतनामूलक दौडको आयोजना गरिएको छ ।
मटिहानी नगरपालिकाको नगर प्रमुख मण्डलले मटिहानी नगरपालिकालाई धार्मिक पर्यटकीय नगरीको रुपमा चिनाउन प्रयासरत रहेको बखतमा सरसफाईलाई समेत उच्च प्राथमिकता राखेको देखिएको छ ।
मटिहानी वड़ा नं।७ को वड़ा कार्यालयबाट सुरु भएको दौड़ कार्यक्रम मटिहानीको बिभिन्न भागको परिक्रमा गरिएको नगर प्रमुख मण्डलले जानकारी गराउनु भयो ।
यस कार्यक्रममा मटिहानी नगरपालिकाका नगर प्रमुख हरि प्रसाद मंडल तथा मटिहानी नगरपालिकाका राष्ट्र सेवक कर्मचारीहरुको सहभागिता रहेको थियो । सबै जना एकै रंग तथा मटिहानी नगरपालिकाको सरसफाई सचेतना संदेश लेखिएको टिसर्ट लगाएको थियो ।
