जलेश्वरटुडे समाचारदाता
महोत्तरी, १७ माघ
वीर शहिद राम विवेक छैंठौं क्रिकेट टुर्नामेन्टको विजेता महोत्तरी जिल्लाको मडैई टिम घोषित भएको छ । पुस ११ गतेदेखि संचालित सो खेलमा अन्तिम खेल महोत्तरी र मडैई वीच भएको थियो । मडैई टीमले टस जितेर फिल्डींग लिएका थिए भने महोत्तरी टीमले पहिलो पारी खेलेर १ सय १८ रनको लक्ष्य खडा गरेका थिए । मडैई टीमले २ बिकेटको मात्र नोक्सानमा छक्का प्रहार गर्दै १ सय २२ रन बनाई १३ ओभरमै जित हात पारेका थिए । महोत्तरी टीमको पाँचौ वर्षको लामो जितको रेकर्ड यस वर्ष मडैई टीमले तोडेका थिए । विजेता टिम मडैईलाई ट्रफी सहित ३१ हजार र उपविजेता टीम महोत्तरीलाई ट्रफी सहित २१ हजार रुपैयाँ मधेस सरकार खेलकुद तथा समाज कल्याण मन्त्री सुरीता साह तथा महोत्तरी गाउँपालिका अध्यक्ष दीलिप पाण्डेय ले सँयुक्त रुपमा प्रदान गर्नु भएको थियो । यस अघि उपविजेता,कमनटेटर तथा सुरक्षा निकायलाई मेडल,टीका तथा प्रमाणपत्र दिई पालिका उपाध्यक्ष दीपो देवी पासमान र विजेता टीमलाई अध्यक्ष पाण्डेयले सम्मान गर्नु भएको थियो । त्यसैगरी पालिकाको प्रमुख प्रशासकिय अधिकृत प्रविण कुमार झा सहित अन्य पालिकाका प्रतिनिधिहरुको उपस्थितिमा विशाल जनसागरको वीचमा खेल समापन भएको थियो । शहिद राम विवेक यादवको परिवारलाई प्रत्येक वर्ष झै यस वर्ष पनि ५ हजार १ सय नगद महोत्तरी टीमले दिने बताएका थिए ।
