जलेश्वरटुडे समाचारदाता
धनुषा, ८ पुस
प्रथम अन्तरनगरपालिका मेयर कप फुटबल प्रतियोगिता बुधबार यज्ञभूमि धारापानीमा समपन्न भएको छ ।
प्रतियोगिता धनुषाधाम र गणेशमान चारनाथ नगरपालिका विच भएको थियो । प्रतियोगिता कार्यक्रममा धनुषाधाम नगरपालिका वडा नं. ९ को वडाध्यक्ष संजिव यादवले सभापतित्व ग्रहण गर्नुभयो भने प्रमुख अतिथिमा धनुषाधाम नगरपालिकाका नगर प्रमुख बालेश्वर मण्डल,विशिष्ट अतिथिमा प्रमुख प्रशासकिय अधिकृत गणेशराज कार्की र जलेश्वर टुडे पत्रिकाका प्रकाशक तथा सम्पादक पवन कुमार साह र पूर्व सभासद पुष्पलता लामा तथा खेल संयोजकमा यज्ञभूमि युवा समाजको अध्यक्ष कल्याण कुमार खड्काले आसन ग्रहण गर्नु भएको थियो ।
प्रतियोगिता करिब २ बजे संचालन भएको थियो । करिब २० मिनेट अगाडी गणेशमान चारनाथ नगरपालिका खेलाडीले पेनाल्टी हान्दा करिब ७० मिनेटमा धनुषाधाम विरुद्ध गोल हान्न सफल भएको थियो । त्यही अन्तिम गोल निर्णायक साबित भएको थियो ।
उत्कृष्ट गोलकिपरमा धनुुषाधामको संगम भुजेल,उत्कृष्ट डिफेन्डरमा गणेशमानको नविन पूर्वथामे मगर,उत्कृष्ट स्कोर्रमा धनुषाधामको आशिष मगर तथा उत्कृष्ट खेलाडीको उपाधि धनुषाधामकै मनोज तामाङगले पाएका थिए । खेलको पूर्वाद्धदेखि अन्तिम समयसम्म दर्शकहरुको ठूलो घुइँचो रहेको थियो ।
खेलमा खेलाडीहरु सामान्य घाइते र खेलाडी फेरिए पनि खेल ज्यादै नै रोमाञ्चक रहेको थियो ।
खेलमा अन्य सहयोगी हरु,रेफ्रि तथा निर्णायक मण्डलले अभूतपुर्व सहयोग गर्नुभएको थियो ।
खेलको आयोजना धनुषाधाम नगरपालिकाको सहयोगमा भएको धनुषाधाम न.पा.को लेखापाल प्रशान्त कुमारले जानकारी गराउनुभयो ।
