वृहत्त विद्यालय सुरक्षा न्युनतम प्याकेज सम्बन्धी तालिम – Jaleshwortoday

वृहत्त विद्यालय सुरक्षा न्युनतम प्याकेज सम्बन्धी तालिम

 ११ जेष्ठ २०८१, शुक्रबार २२:४३  
2

जलेश्वरटुडे समाचारदाता
धनुषा, ११ जेठ

धनुषाको शहीदनगर नगरपालिकामा दुई दिने वृहत्त विद्यालय सुरक्षा न्युनतम प्याकेज सम्ब्न्धी तालिम शुक्रबार सम्पन्न भएको छ ।

प्लान इन्टरनेशनल नेपालको सहयोगमा आसमान नेपालले संचालन गरेको बालविवाह न्युनिकरण परियोजना अन्तर्गत शहीदनगर नगरपालिकाको जनता विष्णु आधारभूत विद्यालय यदुकोहामा सो तालिम संचालन भएको हो ।

तलिममा विपद् शब्दावली प्रमुख प्रकोपको अवस्था, कारण र प्रभावबारे जानकारी गराइएको सहजकर्ता ब्रम्हदेव यादवले बताए ।

वृहत्त विद्यालय सुरक्षा, अवधारणा र यसको विकासक्रम, वृहत्त विद्यालय सुरक्षा कार्ययोजना र विद्यालयमा कृत्रिम घटना अभ्यासबारे समेत तालिममा जानकारी गराइएको हो ।

बिहीबारदेखि सुरु भएको तालिममा शिक्षक, विद्यार्थीहरुको सहभागिता रहेको थियो ।