
जलेश्वरटुडे समाचारदाता
महोत्तरी, १६ पुस
महोत्तरीको जलेश्वरमा जलेश्वरनाथ मन्दिरको अगाडीमा ६ बँुदे माँग राख्दै जलेश्वर महादेव मन्दिर एवं उमा महोदरी शक्तिपिठ सेवा तथा संरक्षण संस्था विकास परिषद्को आयोजना तथा जय बाबा जलेश्वरनाथ युवा क्लव,पासमान युवा क्लव तथा बखरी युवा क्लवको संयोजकत्वमा रिले अनसन पुस ९ गते बिहिबारदेखि बसिएको छ ।
जय बाबा जलेश्वरनाथ युवा क्लवको अध्यक्ष शनिदेव झा,अमरदीप साह तथा उनका सहयोगी विटु कुमार साह लगायले ८ औं दिनसम्म सरोकारबालाहरुले हाम्रो माँगहरुबारे सम्बोधन नगरेको हुँदा सिघ्र माँगहरु पुरा नगरिए आफूहरु आमरण अनसन गर्ने चेतावनी समेत दिनुभयो । जलेश्वरनाथ मन्दिरको विकास तथा पोखरीहरु सौन्दर्ययीकरणको माँग राख्दै अगाडी बढेको झाले बताए ।