जलेश्वरटुडे समाचारदाता
महोत्तरी, १२ माघ
मित्र राष्ट्र भारत आज २६ जनवरी २०२१ ई.सं.का दिन प्रत्येक वर्ष झै ७२ औं गणतन्त्र दिवस मनाउँदै छ ।
सो अवसरमा भारत लगायत विश्व भरी छरिएर रहेका विभिन्न भारतीय वाणिज्य दूतावास तथा दूतावासहरुमा समेत झण्डा फहराउनुका साथै अतिथि सत्कार तथा साँस्कृतिक कार्यक्रम लगायत अन्य विभिन्न कार्यक्रमहरु गर्ने स्रोतले बताएका छन् । सोही अवसरमा प्रदेश नं. २ मा समेत विरगञ्ज महावाणिज्य दूतावासले क्लार्कस रिसर्टमा आफ्ना कार्यक्रम गर्ने दूतावास पदाधिकारी चन्दन श्रीवास्तवले जानकारी गराउनुभयो । यस कार्यक्रममा प्रदेश नं. २ का ८ वटै जिल्लाहरुबाट विशिष्ट व्यक्तित्वहरुलाई समेत आमन्त्रित गरिने जनाएका छन्् । साँझ ५ देखि ७ ः ३० सम्म साँस्कृतिक कार्यक्रमको आयोजना गरिने बताइएको छ । यस अवसरमा अहिले भारत सरकारलाई विभिन्न छिमेकी देशहरुबाट बधाई तथा शुभकामनाको ओइरो लागेको स्रोतबाट बुझिएको छ ।
