जलेश्वरटुडे समाचारदाता
धनुषा, ९ श्रावण
प्रदेश नं.—१ अन्तर्गत सुनसरीको इनरुवामा जसपाका प्रदेश प्रमुख सहित दर्जनौं नेता तथा कार्यकर्ताहरु नेपाल सद्भावना पार्टि(नेसपा) भित्र प्रवेश गरेका छन् । नेपाल सद्भावना पार्टी प्रवेश कार्यक्रम अन्तर्गत आज सुनसरीको इनरुवामा प्रदेश नं.— १ को प्रदेश प्रमुखमा चन्देश्वर चौधरी र पार्टीको बरिष्ठ उपाध्यक्ष मा सिता राम पौद्दारलाई मनोनयन गरिएको छ । नेता देवराम यादव, शिवसरन साह, नविनचन्द्र साह, बिनोद मेहता, पवन मेहता, रिणा उराँव, सुनिता चौधरी, देवनारायण यादव, बच्चालाल यादव लगायत दर्जनौं नेता तथा कार्यकर्ता नेसपा मा प्रवेश गरेको छ । उक्त नवप्रवेशी नेता तथा कार्यकर्ताहरुलाई राष्ट्रिय अध्यक्ष रामकुमार महतो तथा वरिष्ठ नेता प्रो. राजेन्द्र प्रसाद सिंहले संयुक्त रूपमा फुलमाला तथा टीका लगाएर स्वागत गरेका थिए।
