जलेश्वरटुडे समाचारदाता
महोत्तरी, ११ श्रावण
पूर्णिमाको तिथि अनुसार पहिलो तथा नेपाली पात्रो अनुसारर दोस्रो सोमबारीको अवसरमा शिवालयहरुमा भक्तजनहरुको भिडभाड देखिएको छ ।
महोत्तरीको जलेश्वरनाथ,धनुषाको कुपेश्वरनाथ,कपिलेश्वरनाथ,क्षिरेश्वरनाथ लगायत विभिन्न शिवालयहरुमा महिला तथा पुरुष भक्तजनहरको बाक्लो घुँईचो देखियो ।
साउने सोमबारीको ब्रत बस्ने महिला तथा पुरुषहरुलाई मनबाञ्चित फल प्राप्त हुने जनविश्वास रहि आएको ले विवाहित महिलाहरु पतिको दीर्घायुको लागि तथा अविवाहित महिलाहरु योग्य जिवन साथी प्राप्त गर्नको लागि ब्रत बस्ने परम्परा चलिआएको छ ।
यस अवसरमा शिवालयहरुलाई बेहुली झै सजाइएको थियो । नेपाली पात्रो अनुसार ३ वटा सोमबारी बाँकी रहेको बुझिएको छ ।
