जलेश्वरटुडे समाचारदाता
धनुषा, १६ श्रावण
नेपाल सद्भावना पार्टिको केन्द्रिय कार्यालय जनकपुरधाममा मुरारी लाल कर्णको अध्यक्षतामा गठीत १३ सदस्ययी धनुषा जिल्ला कार्य समितिको विस्तार गरिएको छ ।
सो विस्तारित समितमा उपाध्यक्षमा आशिष गुप्ता र बुधन साह,सचिवमा पुरुषोत्तम साह र सदस्यहरुमा श्रीकृष्ण मण्डल,राम सतिश कुमार साह,रंजीत कुमार राम,रफिक बैठा,विष्णु कुमार प्रसाद राउत,अनिल कुमार रजक,बिजेन्द्र कुमार पासमान,रामशंकर महरा र मुकेश कुमार पँजियार सर्वसम्मतिले चयन गरिएका छन् ।
यसरी कार्य समिति चयन पछि अध्यक्ष कर्ण लगायत सबै कार्य समितिका सदस्यहरुले आ—आफ्नो जिम्मेबारी ईमानदारीको साथ देशको सेवा तथा पार्टिको सेवामा समर्पित गर्ने दृढता व्यक्त गर्नुभयो ।
त्यसैगरी ने.स.पा.राष्ट्रिय अध्यक्ष राम कुमार महतो, केन्द्रिय महासचिव नागेन्द्र सिंह,सहमहासचिव रविन्द्र चौधरी (राजेश),प्रवक्ता पवन कुमार साह र नेपाल युवा मञ्चको प्रदेश २ संयोजक राज कुमार चौधरीर्ले शुभकामना मन्तब्य राख्नुभएको थियो ।
मनोनित पदाधिकारीहरुलाई राष्ट्रिय अध्यक्ष महतोले टीका र माला लगाई सम्मान गर्नुका साथै प्रमाणपत्र समेत वितरण गर्नु भएको थियो ।
त्यसैगरी गत शुक्रबार रा. अध्यक्ष महतोले महोत्तरी जिल्लाको संयोजकमा देवेन्द्र कापरलाई मनोयन गरी टीका तथा माला लगाई सम्मान गर्नु भएको थियो । संयोजक कापरले आफूले राजनीतिमा धेरै समय देखि लागेको कारण यस नेपाल सद्भावना पार्टिको विकास तथा विस्तारमा महत्वपूर्ण भूमिका खेल्ने बताउनु भयो ।
