जलेश्वरटुडे समाचारदाता
महोत्तरी, २१ कार्तिक
जलेश्वर टुड राष्ट्रिय दैनिक पत्रिकाले एक कार्यक्रम वीच गृह नगर जलेश्वरमा ९औं बार्षिकोत्सव कार्यक्रम मनाएका छन् ।
जलेश्वर टुडेको प्रकाशक तथा सम्पादक उप—प्रा. पवन कुमार साह,प्रमुख अतिथि नेपाल सद्भावना पार्टीको राष्ट्रिय अध्यक्ष राम कुमार महतो,विशिष्ट अतिथि प्रो.राजेन्द्र्र प्रसाद सिंह,अतिथि नेसपा केन्द्रिय सदस्य नागेन्द्र सिंह र अतिथि शिक्षक बम शंकर साहले संयुक्त रुपमा केक काटी बार्षिकोत्सव कार्यक्रम मनाए । सो अवसरमा प्रकाशक तथा सम्पादक साहले उपस्थित सम्पूर्ण अतिथिहरुलाई माला,टीका तथा खाँदाले सम्मान गरेका थिए । त्यसैगरी वहाँले जलेश्वरनाथ महादेवको महाशिव लिंग फोटो भएको मायाको चिनोले प्रमुख अतिथि तथा विशिष्ट अतिथिलाई सम्मान गरेका थिए । प्रमुख अतिथि तथा विशिष्ट अतिथिले ९ औं बार्षिकोत्सवको अवसरमा बधाई दिनुको साथै उत्तरोत्तर प्रगतिको कामना गर्नुभयो । त्यसैगरी प्रकाशक तथा सम्पादक साहले अतिथिहरु प्रति कृतज्ञता व्यक्त गर्दै अझै शसक्त भएर समाज तथा राष्ट्रको सेवामा तल्लिन रहने बताउनुभयो ।
