जलेश्वरटुडे समाचारदाता
धनुषा, १६ मंसिर
जनकपुरधाममा विवाहपञ्चमीको अवसरमा युवा तथा विभिन्न संघसंस्थाहरुद्वारा बिहिबार सरसफाई कार्यक्रम जारी राखिएका छन् ।
राम मन्दिर परिसर लगायत पूर्वतिरको मैदानलाई सरसफाई गरिएको सरसफाई अभियानी राज कुमार चौधरीले जानकारी गराउनुभयो । गत मंसिर १५ गते बुधबार जानकी मन्दिर अगाडीको बाटीका को सरसफाई गरिएको अभियानी चौधरीले जानकारी गराउनुभयो ।
त्यसैगरी सरसफाई कार्यक्रम जनक मन्दिर लगायत त्यसको वरिपरीका क्षेत्रहरुको समेत सरसफाई गरिने जानकारी गराउनुभयो । यस सरसफाई कार्यक्रममा ईन्द्रजित राउत, बजरंग यादव, राज कुमार चौधरी,राजेश प्रसाद साह,अजय मेहता,कृष्णचन्द्र साह,अजय दास, राम शंकर महरा,रामसतिस साह,शम्भु प्रसाद साह,आशिष गुप्ता लगायतका अभियानीहरुका सहभागिता रहेको थियो ।
यस कार्यक्रममा श्री समृद्ध युवा संजाल,नेपाल सरसफाई कर्मचारी संघ लगायत अन्य संघसंस्थाहरुको सहभागिता रहेको थियो ।
यो सरसफाई कार्यक्रम जनकपुरधाम चौविसो सरसफाई अभियानीद्वारा आयोजना गरिएको थियो ।
