जलेश्वरटुडे समाचारदाता
धनुषा, २१ मंसिर
जनकपुरधाममा विवाहपञ्चमीको अवसरमा युवा तथा विभिन्न संघसंस्थाहरुद्वारा मंगलबार धनुषक्षेत्रको घाट सफाई गरिएका छन् ।
राम मन्दिर परिसर लगायत पूर्वतिरको मैदानलाई सरसफाई गरि मंगलबार धनुषक्षेत्रको घाट सफाइ गर्रिएको सरसफाई अभियानी राज कुमार चौधरीले जानकारी गराउनुभयो । गत मंसिर १५ गते बुधबार जानकी मन्दिर अगाडीको बाटीका को सरसफाई गरिएको अभियानी चौधरीले जानकारी गराउनुभयो । त्यसै गरी सरसफाई कार्यक्रम जनक मन्दिर लगायत त्यसको वरिपरीका क्षेत्रहरु,गंगा सागर, डिहबारर थान,दशरथ तलाउको समेत सरसफाई गरिएको जानकारी गराउनुभयो । यस सरसफाई कार्यक्रममा ईन्द्रजित राउत,बजरंग यादव,राज कुमार चौधरी,राजेश प्रसाद साह,अजय मेहता,कृष्णचन्द्र साह,अजय दास, राम शंकर महरा,रामसतिस साह,शम्भु प्रसाद साह,आशिष गुप्ता लगायतका अभियानीहरुका सहभागिता रहेको थियो । यस कार्यक्रममा श्री समृद्ध युवा संजाल,नेपाल सरसफाई कर्मचारी संघ लगायत अन्य संघसंस्थाहरुको सहभागिता रहेको थियो । यो सरसफाई कार्यक्रम जनकपुरधाम चौविसो सरसफाई अभियानीद्वारा आयोजना गरिएको थियो ।
