जलेश्वरटुडे समाचारदाता
धनुषा, ११ माघ
नेपाल सद्भावना पार्टी(नेसपा)को युवा संजालले ज्ञापनपत्रको अबहेलना गरी माघ १० गते सार्वजनिक बिदा नदिएको कारण मंगलबार राजधानी जनकपुरधाममा मधेस प्रदेशको मुख्यमन्त्री लाल बाबु राउतको पुतला दहन गरेका छन्् ।
नेसपाको केन्द्रिय अध्यक्ष राम कुमार महतोको नेतृत्वमा माघ ९ गते मधेस प्रदेशको मुख्यमन्त्री तथा मन्त्रीपरिषदको कार्यालयमा नै गई मुख्यमन्त्री
राउतलाई माघ १० गते स्व.गजेन्द्र नारायण सिंहको २१ औं स्मृति दिवसको अवसरमा सार्वजनिक बिदा दिन ज्ञापनपत्र दिए पनि सोको अबहेलना गरेको ठहर
गर्दै आफूहरु बाध्य भएर मधेस र मधेसीको पहिचान मिटाउन लागि परेको गैरमधेसी मुख्यमन्त्रीलाई राजीनामा सहित माँग राखी आन्दोलित भई पुतला दहन गर्न बाध्य भएको नेसपा युवा संजालको अध्यक्ष राजकुमार चौधरी बताउनुभयो ।
मधेसको सच्चा वीर शहिद तथा सबै मधेसी पार्टीको पिता स्व.गजेन्द्र नारायण सिंहको स्मृतिलाई पनि स्मरण गर्न नसक्ने नालायक मुख्यमन्त्रीले अविलम्ब
राजीनामा दिनुपर्ने माँग राखी आफूहरु आन्दोलित हुुनुपरेको नेसपा धनुषा जिल्ला उपाध्यक्ष आशिष गुप्ताले बताउनृुभयो ।बिरोध तथा पुतला दहन जुलुस राजधानी जनकपुरधामको रेल्वे स्टेशन चौकबाट शुरु भई भानुचौक,शिव चौक हुदै जनक
चौकमा आएर पुतला दहन गरी कोणसभामा परिणत भएको थियो । नेसपाका नेता तथा कार्यकर्ताहरुले मुख्यमन्त्री विरुद्धमा गैरमधेसी मुख्यमन्त्री राजीनामा दे,मुख्यमन्त्री मुर्दाबाद लगायतका नारा लगाएका थिए ।
कोणसभाको प्रतिनिधित्व गर्दै नेसपा महासचिव नागेन्द्र सिंहले स्व.गजेन्द्र बाबुको अस्तित्व मिटाउन खोज्ने तथा मधेसको पिता लाई सम्मान गर्न नजान्ने
गैरजिम्मेबार मुख्यमन्त्रीको यस प्रदेशमा काम नरहेकोले अबिलम्ब राजीनामा दिन माँग गर्नुभयो । त्यसैगरी नेसपा केन्द्रिय सदस्य विरेन्द्र कुमार महतोले
खसबादी शासक तथा क्रुर शासकको रुपमा रहेको मुख्यमन्त्री राउतले मधेसको महापुरुष स्व.गजेन्द्र बाबुलाई सम्मान गर्न नसक्नु निर्लज्जताको पराकाष्ठा
नाघेको आक्रोस व्यक्त गर्नुभयो । सो विरोध रैलीमा नेसपाका सयौं महिला तथा युवा नेताहरुको सहभागिता रहेको थियो ।
