मिथिला माध्यमिकी परिक्रमा आज विभिन्न धार्मिक स्थलहरु पार गरेर जनकपुरधाम आइपुगेका छन् । परिक्रमा क्रममा पाल्नु भएका सम्पूर्ण आदरणीय साधुसन्तहरु पुजनीय छन् । यिनीहरुको दर्शन मात्रले हाम्रा धेरै समस्याहरु समाधान हुने भएकोले यिनीहरुलाई आवश्यक स्रोत साधनले सेवा गर्नु आवश्यक रहेको देखिन्छ । जनकपुरधाम उपमहानगरपालिको स्थानिय संघसंस्थाहरुले प्रत्येक साल विभिन्न खाद्यान्न तथा आवश्यक सामाग्रीहरु बाँडने भएकोले साधुुसन्तहरुले यसको सुुविधा लिनु उपयोगी देखिन्छ भने दाता परिवारले कृतज्ञता बोध हुने देखिन्छ । मिथिला विहारी र किशोरी जीको दर्शन तथा पुजाआजा गर्ने सौभाग्य सबै स्थानियलाई प्राप्त हुने भएकोले डोलाको सत्कारमा कुनै पनि कमि हुन नदिनु सबैको दायित्व रहेको देखिन्छ । सो अवसरमा स्थानिय द्वारा निःशुल्क भोजन,औषधी लगायत का सामाग्रीहरु वितरण गर्ने परिपाटी रही आएकोले साधुसन्त तथा श्रद्धालुहरुको सेवा हेतु निरन्तरता दिन आवश्यक रहेको देखिन्छ । जनकपुरधाम उपमहानगरपालिका तथा मधेस प्र्रदेश सरकार लगायत स्थानिय जनताले समेत साधुसन्तहरुको सेवामा लाग्नु परम्परागत संस्कार पस्कने अवसरको फाइदा सबै लिनु आवश्यक रहेको देखिन्छ । भोलि शुक्रबार अन्तगृह परिक्रमामा समेत सबैले सहभागि भएर परम्परालाई बचाउनु जरुरी छ ।
