जलेश्वरटुडे समाचारदाता
धनुषा, २४ चैत्र
नेपाल सरकारको मन्त्रि परिषद् बैठकले विभिन्न २० देशका लागि राजदूत सिफारिस गरेको छ । जसमध्ये मधेस प्र्रदेशबाट प्रा.डा. रामस्वार्थ राय यादवलाई डेनमार्कको लागि चयन गरिएको छ । निजले एक चोटी अझै राजदुत बन्ने सिफारिस भए पनि राजनैतिक उथलपुथलका कारण सो निर्णय बदर भएको थियो । ढिलै भए पनि वहाँले फेरी राजदुत बन्ने भएको घोषणा साथ सबैमा खुशीयाली रहेको निकटका साथीहरुले बताएका छन् ।
बिहीबार साँझ बालुवाटारमा बसेको मन्त्रिपरिषद् बैठकले २० जना राजदूत नियुक्तिका लागि सिफारिस गरेको मन्त्री विरोध खतिवडाले जानकारी दिए । राजनीतिक दलबाट सिफारिस भएका राजदूतमा नवराज सुवेदी, डा. रामस्वार्थ राय यादव, नरेश विक्रम ढकाल,ज्योति प्याकुरेल, कान्ता रिजाल, डिल्लीराज पौडेल, कैलाश पोखरेल, मिलन तुलाधर (रुस), शर्मिला पराजुली ढकाल,वासुदेव मिश्र, दानबहादुर तामाङ र विष्णुपुकार श्रेष्ठ (चीन) रहेका छन् ।त्यस्तै परराष्ट्र सेवाबाट दुर्गाबहादुर सुवेदी जापान, निर्मला काफ्ले, भरतकुमार रेग्मी, सुशीलकुमार लम्साल, डोरनाथ अर्याल, तीर्थ राज वाग्ले, हरिषचन्द्र घिमिरे र घनश्याम भण्डारी राजदूत नियुक्तिका लागि सिफारिस भएका छन् ।साल, डोरनाथ अर्याल, तीर्थ राज वाग्ले, हरिषचन्द्र घिमिरे र घनश्याम भण्डारी राजदूत नियुक्तिका लागि सिफारिस भएका छन् ।
