जलेश्वरटुडे समाचारदाता
काठमाडौं, ३१ श्रावण
आगामी मंसिर ४ मा हुने प्रतिनिधिसभा र प्रदेशसभा निर्वाचनमा सहभागी हुनका लागि नेपाल सद्भावना पार्टी (नेसपा) सहित ८४ वटा दलहरूले आवेदन दिएका छन् ।
चारवटा समूहले छुट्टाछुट्टै रुपमा एउटै निर्वाचन चिन्हबाट लड्न आवेदन दिएका निर्वाचन आयोगका प्रवक्ता शालिकराम शर्मा पौडेलले जानकारी दिए । नेसपा अध्यक्ष राम कुमार महतोले मधेसी लगायत
उत्पीडीत जनताको हक अधिकार प्राप्तिका लागि सदनमा आन्दोलन गर्न निर्वाचनमा भाग लिन ७२
नम्बरमा आफ्नो पार्टी निर्वाचन अयोगमा दर्ता गराउन सफल भएको बतानुभयो । यसअघि गत वैशाख ३० मा भएको स्थानीय तहको निर्वाचनमा भने ८० दलहरूले भाग लिएका थिए ।
