जलेश्वरटुडे समाचारदाता
महोत्तरी, ९ कार्तिक
कोरोना महामारीमा प्रशासनले मठमन्दिर तथा शक्तिपीठमा हुने भीडभाड हुन नदिने निर्णयको सर्वत्र उलंघन भएको छ । मठमन्दिर तथा शक्तिपीठहरुमा खचाखच भिडको साथै मेला आयोजन समेत भएको हो ।प्रशासनको नियमको धज्जी उडाउँदै प्रायः ठाउँहरुमा भीडभाडसंगै आरकेस्ट्रा प्रोग्राम समेत आयोजन भएको छ । दैनिक रुपमा हजारौंको संख्यामा कोरोना संक्रमित थपिदै गइरहेको छ । तर भीडभाडमा नियन्त्रण नहुनाले अवस्था कोरोना संक्रमण फैलिएर सम्भावना बढेको छ । धनुषा, महोत्तरी, सिरहा, सर्लाही, लगायत प्रदेश २ का जिल्लाहरुमो प्रहरी प्रशासनकै अगाडी खुलेआम हजारौंको भीडभाड तथा नाच प्रोग्रामहरु भइरहेको छ ।
