जलेश्वरटुडे समाचारदाता
धनुषा, २४ मंसिर
जनकपुरधामको बसपार्क नजिकको सिताशरण होटलको सभा हलमा शनिवार धार्मिक गुरुहरु वीच लैङिगक हिंसा सम्बन्धी कानूनी सचेतना कार्यशाला समपन्न भएको छ ।
लैंङ्गिक हिंसा विरुद्धको १६ दिने अभियान २०७९ अन्तर्गत वल्र्ड भिजनको सहयोगमा राष्ट्रिय अन्तरधार्मिक सञ्जाल(निरन)ले विभिन्न धर्मका धर्म गुरुहरु, अन्य सहभागिहरु तथा महोत्तरी जिल्ला निरनका सदस्यहरुलाई तालिम दिएको
थियो । विभिन्न धर्मगुरुहरुको धार्मिक प्रार्थनाबाट कार्यक्रमको शुरुवात गरिएको थियो भने स्वागत मन्तब्य निरनको महोत्तरी जिल्ला अध्यक्ष हरि नारायण झाले राख्नु भएको थियोे । कार्यक्रमको शुरुमा सहभागिहरुको परिचय पछि प्रशिक्षिका
बन्दना झा राईले हिंसाको परिचय,यसको प्रकार,यसको कारण,प्रभाव,यसको समाधानको लागि धर्म गुरुहरुको भूभिका सम्बन्धमा क्रियाकलाप विधिबाट
सहभागिहरुलाई जानकारी गराउनु भएको थियो । सहभागिहरु तथा धर्मगुरुहरुले समेत समाजको कुरिति तथा त्यसको समाधानको लागि आफ्नो विचारहरु राख्नु भएको थियो । त्यसैगरी प्रशिक्षिका रोजिलिन कुमारी सिंह(ओरेक)ले विभिन्न
हिंसा विरुद्धको कानूनी प्रावधान तथा विभिन्न कसूर सम्बन्धी कानूनी कारबाही सम्बन्धमा जानकारी गराउनु भएको थियो । खुुल्ला सत्रको संचालन निरन मधेस
प्रदेशको अधिकृत आशिष चौधरीले गर्नुभएको थियो भने कार्यक्रममा सहजिकरण गजाल्लाह मिकरानीले गर्नु भएको थियो । अन्त्यमा सहभागिहरुबाट कार्यक्रम
सम्बन्धी पृष्ठपोषण लिइएको थियो भने भावि कार्ययोजना समेत सहभागिहरुले बनाएर बुझाएका थिए । सम्पूर्ण कार्यक्रमको अवलोकन वल्र्ड भिजनको प्रतिनिधि
तेजेन्द्र बुढामगरले गर्नुभएको थियो । अन्त्यमा कार्यक्रमको समापन प्रशिक्षिका बन्दना झा राईले गर्नु भएको थियो ।
