जलेश्वरटुडे समाचारदाता
धनुषा, २६ माघ
ज्ञान गंगा ईन्टरनेशनल पब्लिक स्कुलले कक्षा ४ मा अध्ययनरत सपना महतोको १२ औं जन्मोत्सव मनाएको छ । यस अघि विद्यालयको वार्षिकोत्सव कार्यक्रममा नृत्य गरेर उत्कृष्ट भई प्रथम पुरस्कार कप प्राप्त गर्न सफल भएकी थिइन् ।
सो अवसरमा विद्यालयका प्रधानाध्यापक प्रा.पवन कुमार साह,उपप्रधानाध्यापक सोनी साह,शिक्षक,शिक्षिका,कर्मचारी,विद्यार्थीहरुको उपस्थिति रहेको थियो । खास अवसरमा सपना महतोको बुवा विरेन्द्र महतो र आमा राम कुमारी देवीको खास उपस्थितिमा जन्मदिनको केक काटेर उपस्थित सबै जनाले सपनालाई दीर्घायु तथा सुस्वास्थ्यको कामना गरेका थिए । सपनाले यस खुशियालीको अवसरमा सबै साथीहरुलाई चोकोपन,चकलेट तथा केक खुवाएका थिए । त्यसैगरी ईरिक्सा स्वतन्त्र ईकाई कमिटीका अध्यक्ष रमेश झा,कोषाध्यक्ष पुष्पराज अर्याल तथा अन्य पदाधिकारीहरुको समेत उपस्थिति रहेको थियो । विद्यार्थीको जन्मोत्सव यस पालि फरक किसिमले अभिभावक समेतको उपस्थितिमा मनाइएकोले विद्यार्थीहरुमा उत्साह देखिएकोले अन्य पनि अभिभावकले यसै गरी जन्मोत्सव मनाइदिन विद्यालयको प्र.अ.प्रा.साहले आग्रह गरे ।
