जलेश्वरटुडे समाचारदाता
धनुषा, ३ फाल्गुण
मधेस प्रदेशको राजधानी जनकपुरधाममा अवस्थित ज्ञान गंगा ईन्टरनेशनल पब्लिक स्कुलले आज औपचारिक रुपमा संगीत कक्षाको संचालन गरेको छ ।
विद्यालयको प्रधानाध्यापक प्रा.पवन कुमार साहको अध्यक्षतामा यस अघि नृत्य कक्षा संचालनमा ल्याइसके पछि आज विधिवत रुपमा संगीतको अर्काे अंग गायन
कक्षाको शुरुवात गरिएको छ । यस कक्षाको संचालन तथा निर्देशन मिनापको पुरानो कलाकार तथा मिथिला सिरिजको संचालक संजय कुशवाहाले स्वयं
उपस्थित भएर हार्माेनियमको पुजाआजा गरी संगीत कक्षाको संचालन गरेका थिए । विद्यालयका विद्यार्थीहरु समेत हार्माेनियम र संगीत गुरु संजय कुशवाहालाई ढोगी आशिर्वाद ग्रहण गरेका थिए । त्यसै क्रममा केही गीतहरु हार्माेनियमका साथ
गुन गुनाएर प्रशिक्षक कुशवाहाले विद्यार्थीहरुलाई आजको प्रथम कक्षाको शुरुवाता गरेका थिए । सोही अवसरमा विद्यार्थीहरु लगायत उपस्थित शिक्षकहरु समेत सो हार्माेनियमलाई बजाएर अभ्यास गरेका थिए । ज्ञान गंगा ई.पब्लिक स्कुललाई
जनकपुरधामको मोडेल विद्यालयको रुपमा बनाउने अभियान अन्तर्गत नविनतम प्रयासलाई प्रशिक्षक कुशवाहा लगायत उपस्थित शिक्षकहरुले प्रधानाध्यापक
साहको प्रशंसा गरेका थिए । सो कार्याक्रममा विद्यालयको उपप्रधानाध्यापक सोनी साहको समेत गरिमामय उपस्थिति रहेको थियो ।
