जलेश्वरटुडे समाचारदाता
धनुषा, २० फाल्गुण
ज्ञान गंगा ईन्टरनेशनल पब्लिक स्कुलले आज धनुषा जिल्लाको मिथिला
नगरपालिकामा पर्ने सन्त रामपालजी महाराजको आश्रमको भ्रमण तथा अवलोकन गरेको छ ।
३ दिवसीय बोध दिवसको अवसरमा फाल्गुण १८ देखि २० गतेसम्म विवाह,रक्तदान तथा विशेष पुजा गरिएको थियो । सो क्रममा ज्ञान गंगा ई.पब्लिक स्कुलको प्रधानाध्यापक प्राध्यापक पवन कुमार साह,उपप्रधानाध्यापक सोनी
साह,शिक्षक,शिक्षिका,कर्मचारी तथा विद्यार्थीहरु समेत धार्मिक स्थल भ्रमणको सिलसिलामा निम्तो पाएर सो आश्रमको भ्रमण गरेको थियो । अवलोकनको क्रममा सोही विद्यालयमा कक्षा ८ मा अध्ययनरत धिरेन्द्र पण्डीतले ठूलो भिड
नियन्त्रण,जिम्मेबारीको बाँडफाँड,समन्वय,सहयोग,नेतृत्व लगायतका व्यवहारिक ज्ञान सिक्न पाएको बताएका छन् । त्यसैगरी कक्षा ५ र ६ मा अध्ययनरत क्रमशः आदित्य साह र धिरज महतोले यस्ता धार्मिक ठाउँहरुमा भ्रमण गर्न पाउँदा
असाध्यै शान्ति प्राप्त गरेको र नयाँ कुरा हेर्न पाएको बताए । त्यसैगरी विद्यालयको प्रधानाध्यापक साहले विद्यार्थीहरुलाई किताबी किरा मात्र नबनाएर
व्यवहारिक तथा धार्मिक ज्ञान समेत आवश्यक रहेको बताउनु भयो । त्यसकारण मौका मिलाएर विद्यार्थीहरुलाई यस्ता ठाउँहरुको अवलोकन तथा भ्रमण गराउन
आवश्यक रहेको देखिन्छ भन्ने कुरा वहाँले थप्नु भयो ।
