राकेश प्रसाद चौधरी
महोत्तरी, २१ फाल्गुण
मिथिला साँस्कृतिक विकास केन्द्र जलेश्वरको आयोजनामा आज दुर्गा चौकमा फगुवा फुर्रर दंग,व्यग्य विनोद कवि सम्मेलन कार्यक्रममा मटिहानी
नगरपालिकाको नगर प्रमुख हरि प्रसाद मण्डललाई ढहलेल श्री र समाजसेवि राम आधार कापरलाई भकचोन्हर श्री २०७९ ले सम्मान गरिएको छ ।
सो कार्यक्रममा जलेश्वर नगरपालिकाको नगर प्रमुख सुरेश साह सोनार, प्रहरी उपरीक्षक प्रकाश मल्ल,कवि,कवियित्री,गायक,गायिका,पत्रकार,बुद्धिजिवि,नागरिक समाज तथा स्थानियहरुको गरिमामय उपस्थिति रहेको थियो । कार्यक्रममा होलिसँग
सम्बन्धित विभिन्न रोचक गीत,कविता,गजलहरु प्रस्तुत गरिएको थियो । कार्यक्रममा सहभागिहरुलाई अबिर,टोपि तथा गमछा ओढाई सम्मान गरिएको थियो । सो कार्यक्रमको अवसरमा सरोज मिश्र,दुर्गानन्द झा,कन्दर्भ लाल
कर्ण,अजय कुमार झा,अमरकान्त ठाकुर,राजेश्वर ठाकुर,राकेश प्रसाद चौधरी,रेखा श्रेष्ठ,गोपाल झा लगायतका कविहरुले आफ्ना कविताहरु प्रस्तुत गर्नु भएका थिए
। अन्त्यमा होलिको जोगिरा गीतमा समस्त सहभागिहरु झुमेर नृत्यमा रमाएका
थिए । यस कार्यक्रमले समाजमा भाईचारा तथा मेलमिलापको सन्देश दिने विश्वास लिइएको बताइएको छ ।
