जलेश्वरटुडे समाचारदाता
धनुषा, १० चैत्र
जनकपुरधामको जनसंख्या दुईलाख नजिक पुगेको छ । राष्ट्रिय जनगणना २०७८ को विस्तृत परिणाम अनुसार जनकपुरधाम उपमहानगरको कुल जनसंख्या १ लाख ९४ हजार ५५६ पुगेको छ । देशमा पुरुषको तुल्नामा महिलाको संख्या बढी भएपनि जनकपुरधाममा पुरुषको संख्या बढी रहेको तथ्यांक छ । जनकपुरधाममा बसोबास गर्ने कुल जनसंख्या मध्ये ५१.३ प्रतिशत पुरुष र ४८.७ प्रतिशत महिला हुन् । यस्तै, यहाँको लैङ्गिक अनुपात १०५.२५ रहेको छ । यस्तै, यहाँको जनघनत्व २,११५ रहेको छ भने ४० हजार ४०९ घरपरिवार रहेका छन् । यस्तै, राष्ट्रिय जनगणना २०७८ अनुसार यहाँ रहेका कुल जनसंख्याको ३५.४ प्रतिशत नागरिक अविवाहित रहेका छन् । जसमा पुरुष ४२.६ प्रतिशत र महिला २८.१ प्रतिशत छन् ।
