जलेश्वरटुडे समाचारदाता
धनुषा, १८ बैशाख
मधेस प्याब्सन,प्याब्सन र नेपाल प्याब्सनले एक कार्यक्रम वीच कार्यगत एकताको घोषणा गरेका छन् ।
जनकपुरधाम उपमहानगरभित्र संचालित निजि विद्यालयहरुको हक हितको संरक्षणको लागि आफूहरु कार्यगत एकता गरेको तीनै संस्थाका अध्यक्षहरु क्रमशः अमरेन्द्र झा,विनोद यादव र विनोद यादवले बताएका छन् । आइतबारदेखि केहि निजि विद्यालयका संस्थापकहरुले अनाधिकृत रुपमा विद्यालय अनुगमनको नाउमा विभिन्न किसिमले गरेको अभद्र व्यवहार प्रति तीनै संस्थाहरुले सँयुक्त रुपमा खेद प्रकट गरेका छन् । साथै यी अपराधिक क्रियाकलाप बन्द गराउन तीनै संगठनहरुले मंगलबार जनकपुरधाम उपमहानगरपालिकामा अपरान्ह १ बजे डेलिगेशन लिएर जाने निर्णय समेत सार्वजनिक गरेका छन् । यस कार्यक्रममा तीनै संस्थाहरुका संस्थापक तथा प्रधानाध्यापकहरुलाई समयमै उपस्थित भई दिन आग्रह समेत गरेका छन् ।
