जलेश्वरटुडे समाचारदाता
महोत्तरी, २८ जेष्ठ
महोत्तरी जिल्लाको मटिहानी नगरपालिका ९ सिमरदही गाउँबाट वैदेशिक रोजगारीको लागि खाडी मुलुक कतारमा गएका एक व्यक्तिको मृत्यु भएपछि उनीसँग काम गर्ने साथीहरुले पीडित परिवारलाई आर्थिक सहयोग गरेका छन् ।
मटिहानी ९ सिमरदहीका राजकिशोर पासवान वैदेशिक रोजगारीमा कतार स्थित प्रतिष्ठित कम्पनी क्क्ष्ह् ऋइल्त्च्ग्ऋत् हाल परिवर्तित नाम ःक्ष्ऋ ऋइल्त्च्ग्ऋत् मा काम गरिरहेकोमा उनी विदामा घर आएको बेला उनको मृत्यु भएको हो ।
वैदेशिक रोजगारीमा राजकिशोरसँग काम गरेका साथीहरुले आफूहरुसँग काम गर्ने साथीको घरमा अचानक मृत्यु भएको खबर पाएपछि उनका पीडित परिवारलाई कतारमा अझै काम गरेर बसिरहेका साथीहरुले आर्थिक सहयोग पठाएका छन् ।
विदेशमा साथीहरुमध्ये अरुण दहालको संयोजकत्वमा साथीहरु तुला अधिकारी, शशि शर्मा, भक्त बहादुर सार्की, भोला पंडित, नरेश चौधरी, राजेन्द्र चौधरी, रामगुलाम मुखिया, रामपृत मण्डल, दाशु घिमिरे, दुखी माझी, डम्बर जोशी, प्रेम राई, केशव बुढा, छबिलाल दाहाल, राजनारायण यादव, रामपृत साह तेली सहितकाले सबै साथीहरुले सहयोग रकम रु.१ लाख ५ हजार जम्मा गरेर राजकिशोरको पीडित परिवारलाई सहयोग गरेका छन् ।
विदेशबाट साथीहरुले विदामा घर आएका अर्का साथी रामपृत साह तेली मार्फत सहयोग रकम रु.१ लाख ५ हजार पीडित परिवार राजकिशोरकी पत्नी रेणु कुमारीलाई प्रदान गर्न लगाइएको हो ।
रामपृत साह तेलीले पीडित परिवारको सहयोगको लागि विदेशबाट रकम मँगाउन जलेश्वर नगरपालिका वडा नम्बर २ का वडा अध्यक्ष बरुण कुमार दाहालको साथ सहयोग लिएर पैसा मँगाएर आइतबार दिउँसो जलश्वर नगरपालिका वडा नम्बर २ कै कार्यालयमा वडा अध्यक्ष बरुण कुमार दाहालकै अध्यक्षता तथा आफ्नो उपस्थितिमा सहयोग रकम रु.१ लाख ५ हजार पीडित परिवार राजकिशोरकी पत्नी रेणु कुमारी पासवानलाई प्रदान गर्नुृभएको हो ।
