नेपाली फुटबल टिमले बेलायतको तेस्रो श्रेणीको टोलीसँग खेल्ने – Jaleshwortoday

नेपाली फुटबल टिमले बेलायतको तेस्रो श्रेणीको टोलीसँग खेल्ने

 २४ भाद्र २०८०, आईतवार १९:५१  
kk

जलेश्वरटुडे समाचारदाता
काठमाडौं, २४ भाद्र

नेपाली राष्ट्रिय फुटबल टिमले बेलायतको तेस्रो श्रेणीको टोलीसँग दुई मैत्रीपूर्ण फुटबल खेल्ने भएको छ ।

बेलायतको तेस्रो श्रेणीको टोली र नेपाली राष्ट्रिय फुटबल टोलीबीच २०२४ को अप्रिल र मेभित्र दुई मैत्रीपूर्ण खेल खेल्ने भएको हो ।

अखिल नेपाल फुटबल संघ एन्फाको आइतबार बसेको आकस्मिक कार्यसिमतिको बैठकले उक्त निर्णय गरेको एन्फा प्रवक्ता सुरेश शाहले जानकारी दिए ।

‘बेलायतको राष्ट्रिय टिमको ए ,बी, सी क्याटेगोरी भन्ने हुन्छ, त्यसमा हामीले सी क्याटेगोरीको टोलीसँग खेल्ने निर्णय भएको हो’, एन्फा प्रवक्ता शाहले भने ।