गणेश कुमार सिंह
महोत्तरी, ९ असोज
नगरपालिका साक्षर घोषण सार्बजनिकिकरण कार्यक्रम सम्पन्न भएको छ। जिल्ला महोत्तरी जलेश्वर न.पा.२ स्थिति रहेको जिल्ला समन्वय समितिको सभाहलमा जलेश्वर नगरपालिकाको कार्यालयको आयोजनामा साक्षर घोषणा सार्वजनिकिकरण कार्यक्रममा प्रमुख अतिथी मधेस प्रदेशका मुख्यमन्त्री सरोज कुमार यादबको गरिमामय उपस्थिति रहेको थियो ।
कार्यक्रम शुरु भएको उक्त कार्यक्रमका बिशिष्ट अतिथी महोत्तरी जिल्लाका प्रमुख जिल्ला अधिकारि शिबराम गेलाल,जलेश्वर नगरपालिकाका नगर प्रमुख सुरेश शाह सोनार,उपप्रमुख रौशन खातुन लगायत यस कार्यक्रमका अतिथिहरु सहायक प्र.जि.अ. उपेन्द्र न्यौपाने , जि.प्र.का.महोत्तरीका प्र.उ.प्रकाश मल्ल,सशस्त्र प्रहरीका प्र.उ. लेखनाथ खनाल,राष्ट्रिय अनुसन्धान विभागका प्रमुख दिलिप सिंह जिल्ला समन्वय समितिका सभापती सुमन कु. लाल कर्ण ,जलेश्वर नगरपालिका वाट १ देखि १२ सम्मका वडाअध्यक्ष , सेभ दी चिल्ड्रेनका प्रतिनिधि ,रतौली युवा कल्बका प्रतिनिधि सहित स्थानीय बासिन्दा ,विद्यार्थी, शिक्षक तथा पत्रकारहरु गरि ५ सय जना भन्दा बढीको कार्यक्रममा उपस्तिथि रहेको थियोे ।
