जलेश्वरटुडे समाचारदाता
काठमाडौं, १६ असोज
भूमि व्यवस्था, सहकारी तथा गरिबी निवारण मन्त्री रञ्जिता श्रेष्ठले संविधान दिवसको अवसरमा सरकारले कसैलाई पनि आममाफी नदिएको बताएकी छन् ।
मंगलबार संसद बैठकपछि सञ्चारकर्मीहरुसँग कुरा गर्दै मन्त्री श्रेष्ठले आम माफी नभई कैद कट्टा मात्रै गरेको बताइन् ।
‘यस पटक कसैलाई आममाफी दिइएको छैन, कैद कट्टा हो’ उनले भनिन्, ‘हामीले अपराधीलाई राजनीतिक तवरबाट छुट्नुपर्छ भनेका छैनौं, कारागारमा गइसकेपछि आफूले भोग्ने कानून अनुसार भोग्नुपर्छ ।’
