जलेश्वरटुडे समाचारदाता
सर्लाही, १८ असोज
महोत्तरीको मनरा सिस्वा नगरपालिका-९ ( बथनाहा) स्थित श्री भै.गु.लो. जनता माध्यमिक विद्यालयका विद्यार्थीहरु तत्काल शिक्षक अभावको समस्या समाधान गर्नु माग गर्दै विद्यार्थीहरुले आन्दोलित भएका छन् ।
पटक-पटक प्रधानाध्यापक अशोक झालाई शिक्षक अभावको कारण पठन पाठनमा समस्या भएको जानकारी गराउँदा पनि कुनै सुनुवाई नभएपछि विद्यार्थीहरुले मंगलबार विद्यालयमा तालाबन्दी गरेका छन् ।
पटक पटक शिक्षक अभाव बारे वडा अध्यक्ष शशी भुषण झालाई जानकारी गराउँदा पनि कुनै चासो नलिएको भन्दै सयौंको संख्यामा रहेका विद्यार्थीहरुले मनरा सिस्वा नगरपालिका-९ बथनाहाको वडा कार्यालयमा समेत तालाबन्दी गरेका छन ।
प्र.अ तथा मनरा सिस्वा नगरपालिका-९ बथनाहाको वडा अध्यक्ष शशी भूषण झाको लारपारवाहीले विद्यालयको अवस्था दयनीय बन्दै गएको स्थानीयवासीहरुले आरोप लगाएका छन् ।
