जलेश्वरटुडे समाचारदाता
धनुषा, ३० असोज
नेपाल सद्भावना पार्टीको केन्द्रीय अध्यक्ष राम कुमार महतोले पार्टीको केन्द्रिय कार्यालय जनकपुरधाममा पत्रकार सम्मेलन मार्फत पार्टीको चुनावी संक्षिप्त घोषणापत्र जारी गरेका छन् ।
सो कार्यक्रम केन्द्रीय अध्यक्ष महतोको अध्यक्षतामा संचालन गरिएको थियो । कार्यक्रममा केन्द्रीय महासचिव नागेन्द्र सिंह,के.सहमहासचिव डा. रविन्द्र कुमार चौधरी,प्रवक्ता प्रा. पवन कुमार साह,के.सदस्य बुधन साह लगायत विभिन्न
नेताहरुको उपस्थिति रहेको थियो । कार्यक्रममा पार्टीको के.अध्यक्ष महतोले सो चुनावी संक्षिप्त घोषणापत्र पढेर सबै पत्रकारहरुलाई जानकारी गराएका थिए । सो कार्यक्रममा विभिन्न संचारकर्मीहरुको उपस्थिति रहेको थियो ।
