जलेश्वरटुडे समाचारदाता
धनुषा, २० माघ
जनकपुरधामको रेल्बे स्टेशनमा आयोजित एक कार्यक्रममा मधेस प्रदेशको
सभामुख रामचन्द्र मण्डलले ई—रिक्सा ईकाई कमिटीको रजिष्ट्रेशन तथा दैनिक शुल्क संकलन काउण्टरको रिवन काटी उद्घाटन गर्नु भएको छ भने मनोनित
सदस्यलाई शपथ ग्रहण गराउनु भएको छ ।
सो कार्यक्रममा १२ हजार भन्दा बढी संचालनमा रहेको ई—रिक्सा चालकहरु मध्ये
संस्थामा आबद्ध भई सक्रिय रहेका चालकहरुले दैनिक रुपमा २० रुपैया र नयाँ
रजिष्ट्रेशन बापत रु ३०० बुझाउनुपर्ने अध्यक्ष रमेश झाले बताए । त्यसैगरी सो कार्यक्रममा सक्रिय रहेको चालक विरेन्द्र महतोलाई बहुमतले अघि नै संगठनको
प्रवक्ता रुपमा मनोनित गरिसके पछि आज सभामुख मण्डलबाट बिधिबत रुपमा कार्यभार तथा गोपनियताको शपथ ग्रहण गराइएको छ ।
कार्यक्रममा अध्यक्ष झाले ईरिक्सा चालकहरुको माँगलाई उपमहानगरले अहिलेसम्म सम्बोधन नगरेकोले अब चरणबद्ध रुपमा आन्दोलनमा जाने बताए ।
यता सभामुख मण्डलले समेत ईरिक्सा चालकहरुको माँग उचित रहेकोले
अबिलम्ब पुरा हुनुपर्ने बताए । यता नव नियुक्त संगठनको प्र्रवक्ता विरेन्द्र
महतोले यस संगठनको प्रवद्र्धन र विकासको लागि सबै निकायले सहयोग गर्नु पर्ने बताए ।
