अढाई दशक अगाडि इन्जिनियरिंग कलेज संचालनको लागि जग्गा खरिद गरिए पनि कामकारवाही अगाडि नबढेपछि जलेश्वरबासी लगायत आसपासका स्थानियहरुमा निरासा देखिएको थियो । अहिले मणिपाल मेडिकल एण्ड एजुकेशन गु्रप(नेपाल)प्रा.लि.को प्रतिनिधि टोलीले जलेश्वर पुगेरै मणिपाल कलेज संचालन गर्ने प्रतिबद्धता जनाएको छ । जलेश्वर नगरपालिका ८ मा रहेको ३० बिग्हा भन्दा बढि जग्गा अवलोकन गरिसकेपछि मणिपालका प्रतिनिधि नारायण प्रसाद पौडेल र शान्ता राज बतास तथा प्रमुख इन्जिनियर संजय कुमार गुप्ताले संयुक्त रुपमा मणिपाल कलेज संचालन हुने प्रतिबद्धता जनाएका छन् । यो प्र्रतिबद्धता पछि जलेश्वरबासीमा एक किसिमको खुशियाली नै छाएको छ । यसले जलेश्वरको स्थानिय विकास हुनुका साथै यस क्षेत्रका विद्यार्थीहरु लाभान्वित हुने छन् । वास्तवमा जलेश्वरबासीको धेरै सपनाहरु मध्ये यो पनि एक हो जसको पुरा हुन अहिलेको आवश्यकता बनेको छ । तर यसको प्राप्ति त्यति कठिन नभएकोले यसको लागि यहाँको बौद्धिकवर्ग,नागरिक समाज,जनप्रतिनिधि तथा पत्रकारहरुको निगरानी आवश्यक छ । किनभने मणिपालमा सम्बन्धमा नेताहरुको चुनावि मसाला हो भन्ने पनि सुनिएका छन्् जुन प्र्रदेश र प्र्रतिनिधि सभाको चुनाव पछि सेलाएर जाने छ ।
