जलेश्वरटुडे समाचारदाता
धनुषा, २२ फाल्गुण
नेपाल कम्युनिष्ट पार्टी एकिकृत समाजवादी पार्टीकी सचिव रामकुमारी झाक्रीले मिथिलाको होली विशिष्ट रहेको बताएकी छिन् । जनकपुरको मठमन्दिरका भगवान सहितको डोला १५ दिन सम्म परिक्रमा गर्दै होली मनाउने परम्परा लोभलाग्दो छ, उनले भनिन्, ‘हिंशामय होली फेरिएर निर्धाक्क भएर स्नेह सटासाट गर्ने पर्वमा परिणत भएको छ । पहिले होलीको दिन महिला सडकमा निस्किने अवस्था हुदैन थियो । समाजिक अवस्था परिवर्तन हुदै होलीमा महिला निर्धक्क भएर मनाउन थालेका छन् ।’ मिथिलामा मनाउने होलीले हर्षित भएको छु, उनलले भनिन् ।
जनकपुरमा सोमबार नेपाल कम्युनिष्ट पार्टी एकिकृत समाजवादी पार्टी धनुक्षा क्षेत्र नं. ३ ले आयोजना गरेको होली शुभकामना आदान प्रदान कार्यक्रममा झार्कीले स्वर्थकालागि गठबन्धन गर्ने र तोडने परम्पराले राजनीति दलका नेताप्रति नकारात्मक सन्देश गएको बताइन । झक्रीले नया गठबन्धनको प्रदेश सरकार पुर्नगठन सहज नरहेको उल्लेख गर्दै राष्ट्रपति निर्वाचन पछि अनुमान गरेको भन्दा फरक रुपमा राजनीति कोर्ष अगाडी बढन सक्ने उनले बताइन । झाक्रीले मिथिला मध्यमिकि परिक्रमाका साधुसन्तहरुसंग समेत होली खेले । जनकपुरधाममा साधुसन्त, विभिन्न राजनीति दलका नेताह र संघसंस्थाहरुसंग होली खेल्न पाउदा खुसी लागेको उनले बताईन् ।
नेपाल कम्युनिष्ट पार्टी एकिकृत समाजवादी पार्टी धनुषा क्षेत्र नं. ३ का नेता दिपेन्द्र यादव दिपुको अगुवाईमा भएको कार्यक्रममा होली सम्बन्धी झँकी, गित र नृत्यमा नेताहरु रमाएका थिए ।
