जलेश्वरटुडे समाचारदाता
काठमाडौं, १८ बैशाख
जनकपुरधाम उपमहानगरमा आफूलाई जनकपुरधाम उपमहानगर शिक्षा समितिको पदाधिकारी ठान्ने केहि निजि विद्यालयका संस्थापक तथा प्रधानाध्यापकहरु गैरकानुनी
रुपमा अनुगमनको गोरख धन्धा शुरु गरेको खुलेको छ ।
आइतबारदेखि अनुगमन शुरु गरेको अनाधिकृत निजि विद्यालयका संस्थापक तथा प्रधानाध्यापकहरु सोमबार बिदाको दिनमा समेत एक दर्जन भन्दा बढी निजि विद्यालयहरुमा पुगी डर,त्रास देखाउनुको साथै अभद्र व्यवहार गरेका छन् । फोन सम्पर्क गरी जनकपुरधाम उपमहानगरको नगर प्रमुख मनोज कुमार साह र शिक्षा प्रमुख अन्जु पाण्डेयलाई यस सम्बन्धी विवरण बुझ्दा आफूहरुलाई यस सम्बन्धमा कुनै जानकारी नरहेको बताउनु भएको छ साथै आफूहरु कसैलाई पनि अनुगमनको लागि नखटाएको बताउनु भयो । साथै धनुषा जिल्ला प्रमुख काशि राज दाहालले समेत यस्ता कार्य उपमहानगरको रहेकोले यस्ता अबैध काम गर्ने गराउनेलाई कारबाही हुने बताउनु भयो ।
