जलेश्वरटुडे समाचारदाता
धनुषा, २८ मंसिर
जनकपुरधाम उपमहानगरपालिकाको वडा नं.—१२ कुवा (एयरपोर्ट रोड)मा अवस्थित ज्ञान गंगा ईन्टरनेशनल पब्लिक स्कुलले निःशुल्क दन्त शिविर संचालन गरिने भएको छ । विद्यालयको संस्थापक तथा प्रधानाध्यापक उप—प्रा. पवन कुमार साहले दन्त शिविर यहि पुस २ गते शुुक्रबारको दिन विहान १० बजेदेखि विद्यालयको परिसरमा संचालन हुने जानकारी गराउनुभयो । वहाँले यो दन्त शिविर विद्यालयको बालबालिका तथा सम्बन्धित अभिभावक लगायत विशेष रुपमा वडा नं. १२(कुवा) र १५ (रामपुर) का नागरिक समाजलाई लक्षित गरि संचालन गराउन लागेको जानकारी गराउनु भयो । जनकपुरधामको प्रतिष्ठित दन्त चिकित्सक अनिता र ललिता यादवको विशेष पहलमा यो शिविर संचालन हुने वहाँले बताउनुभयो । यस विद्यालयले यस अघि सरसफाई,बृक्षारोपण,निःशुल्क स्वास्थ्य शिविर,योग शिविर जस्ता कार्यक्रमहरु विद्यार्थीहरु,अभिभावक हरु तथा यस क्षेत्रको नागरिक समाजको भलोका लागि गरिसकेको प्र.अ.साहले जानकारी गराउनुभयो ।वहाँले यसबाट सबैलाई लाभ उठाउन आग्र्रह समेत गर्नुभयो ।
