जलेश्वरटुडे समाचारदाता
काठमाढौं, १० मंसिर
बलिउड अभिनेत्री श्रद्धा कपूरले महिलाले घरेलु हिंसा सहेर बसेसम्म समाजमा परिवर्तन नआउने बताएकी छन् । संयुक्त राष्ट्र संघकी महिला प्रतिनिधि निष्ठा सत्यमसँगको छलफलमा उनले महिलाले हरेक प्रकारका घरेलु हिंसालाई ‘इट्स ओके’ भनेर किन टारिदिन्छन् ? भनेर प्रश्न समेत गरेकी छन् । छलफलको भिडियो सामाजिक सञ्जालमा सार्वजनिक गर्दै श्रद्धाले आफूमाथि भएका हिंसाका घटना बाहिर ल्याउन महिलाले नै पहल गर्नुपर्ने धारणा राखेकी छन् । छलफलका क्रममा श्रद्धा केहीबेर भावुक समेत भएकी थिइन् । उनले भिडियोको अन्तिममा आफूमाथि भएको अत्याचारका घटनालाई महिला आफैंले बाहिर ल्याए मात्रै समाज परिवर्तनको बाटोमा अग्रसर हुने बताएकी छन् ।
