जलेश्वरटुडे समाचारदाता
धनुषा, २८ जेठ
साहित्य महोत्सव २०८३ के अवसर पर मगही भाषा कविता प्रतियोगिता, बहुभाषि कविता वाचन के साथे अन्य साहित्यिक गतिविधिसबके साथ सम्पन्न भेल हय । महोत्तरी जिल्ला के गाौशाला नगरपालिका वडा न.११ स्थित श्री जनता मा.वि.भरतपुर खोर के सभाहल मे मिति २०७३ जेठ २७ गते बुधदिन सम्पन्न भेल हय ।
कार्यक्रम के शुरुआत राष्टगान से भेल, जेई मे प्रमुख अतिथि के रुपमे रामपृत महतो कोइरी वडा अध्यक्ष गौशाला नपा ११, विशिष्ट अतिथि सन्त आलोक संस्थापक कविर बालबालिका आश्रम जनकपुरधाम, विशिष्ट अतिथि ओम कुमार महतो वडा सचिव गौशाला नपा ११, विशिष्ट अतिथि विपिन कुमार जोशी प्रधानाध्यापक श्री जनता मावि भरतपुरखोर गौशाला ११, विजय कुमार दास अध्यक्ष अपन मिडिया, अतिथि उमेश कुमार महतो, सदस्य नगर शिक्षा समिति गौशाला नगरपालिका, अतिथि नागेन्द्र सत्या युवा तथा समाजसेवी, अतिथि सहायक प्रध्यानाध्यापक कमलेश महतो, अतिथि सहायक प्रध्यानाध्यापक रमेश आले मगर, अतिथि पुजा कुमारी पण्डित, सभापति डा.वीर बहादुर महतो भाषाविद तथा पृष्ठ संयोजक मगही भाषा गोरखापत्र रहल रहथिन । उद्घाटन भाषण में मुख्य अतिथि महतो, मगही भाषा हमनी के पहचान हय आउ एकर संरक्षण हमनी सबहे के जिम्मेदारी हय, साथे अइसन प्रतियोगिता से नव प्रतिभा के मंच मिलैत हय आउ भाषा के समृद्धि भी बढेकेक बतयले हथिन । कविता प्रतियोगिता मे प्रस्तुत कवितासबके समेटके भोर मगही कविता सग्रह प्रकाशित करेके घोषणा कयलन । कार्यक्रम के मुख्य उद्देश्य रहल कि नव पीढ़ी में मगही भाषा प्रति रुचि जगावल जाए आउ ओकर सांस्कृतिक महत्व के समझावल जाय । ई कार्यक्रम मे गौशाला नगरपालिका के ६ गो विद्यालय के विद्यार्थीसब सहभागि भेल रहे । प्रत्येक विद्यालय से प्रतियोगिता मे सहभागि विद्यार्थीके संख्या ७० रहे त सम्पुर्ण उपस्थिति २५० के हाराहारी मे रहल रहे । हर प्रतिभागी अपन–अपन कविता के माध्यम से समाज, संस्कृति, प्रेम, प्रकृति आ देशभक्ति जइसन विषय पर अपन भाव व्यक्त कयलथिन । कविता में गाँव के जीवन, किसान के मेहनत आउ परंपरा के सुंदर चित्रण देखे के मिलल । दर्शक लोगसब प्रस्तुति के खूब सराहना कयलथिन, आउ तालिसे पूरा वातावरण गूंज उठल । निर्णायक मंडल में अनुभवी साहित्यकार आउ भाषा विशेषज्ञ अमित कुमार शाह, जीवनाथ चौधरी फुलगेन मगही शामिल रहथिन । जवन कविता के भाव, भाषा के शुद्धता, प्रस्तुति शैली आ मौलिकता के आधार पर मूल्यांकन कइलथिन । प्रथम स्थान निशाकुमारी मण्डल श्रीराम जानकी सेकेन्डरी,ई.बो.स्कुल, द्वितीय चन्दिपदीप यादव श्री त्रिभुवन नमुना मावि गौशाला, तृतीय आदिति यादव श्री जनता मावि भरतपुर खोर आउ सन्तावना क्रिस्टिका शाह राष्ट्रिय मावि बहादुरगंज बटौवा, नेहा महतो ओम क्रिएटिभ इङ्लिस बोर्डिङ स्कुल लक्ष्मीनिया प्राप्त कयलक । प्रतियोगिता के अंत में तीन गो प्रतिभागी के प्रथम के रु.२५ सय नगद आउ प्रमाणपत्र, द्वितीय के रु २ हजार नगद आउ प्रमाणपत्र, तृतीय के रु १५ सय नगद आउ प्रमाणपत्र, सान्त्वना पुरस्कार रु ५ सय नगद आउ प्रमाणपत्र से सम्मान सहित बाकी प्रतिभागी के भी प्रमाण पत्र देके सम्मानित कयल गेल हय । कार्यक्रम के एक खास आकर्षण रहल सांस्कृतिक प्रस्तुति, जेमे स्थानीय कलाकार मगही लोकगीत आ नृत्य पेश कइलथिन। ई प्रस्तुति से कार्यक्रम में चार चाँद लग गइल आ दर्शक खूब आनंद उठवलथिन । अंत में आयोजक समिति धन्यवाद ज्ञापन करत कहलथिन कि ई प्रतियोगिता के सफलता सबके सहयोग से संभव भेल हय । ऊ आशा जतवलथिन कि भविष्य में भी अइसन कार्यक्रम आयोजित होत रही, ताकि मगही भाषा के प्रचार–प्रसार होत रहे । एह प्रकार æमगही भाषा कविता प्रतियोगिताÆ सफलतापूर्वक सम्पन्न भेल आउ सबके मन में भाषा प्रति गर्व आउ प्रेम के भावना जागृत कयलक । ई कार्यक्रम न सिर्फ एक प्रतियोगिता रहल, बल्कि मगही भाषा के उत्सव बन के सामने आयल । कार्यक्रम अपन मिडिया प्रोडक्शन द्धारा गौशाला नगरपालिका वडा न. ११ के आर्थिक सहयोग मे सम्पन्न भेल । कार्यक्रम के उद्घोषण शिक्षक दीपलाल महतो कयले रहथिन । मगही भाषा कविता प्रतियोगिता सम्पन्न ।
