जलेश्वरटुडे समाचारदाता
धनुषा, २६ असोज
जन्मजात पूर्ण अपांग रामाबाबुलाई जिल्ला प्रशासन कार्यायल धनुषाले घरमै पुगेर नागरिकता उपलब्ध गराएको छ । धनुषाको बटेश्वर गाउँपालिका–१ चित्ररपुरका स्वर्गीय रामसागर महतोका २१ वर्षीय छोरा रामबाबु महतोलाई प्रशासनले घरमै पुगेर नागरिकता दिएको हो ।
शुक्रबार रामबाबुलाई धनुषाका प्रमुख जिल्ला अधिकारी चक्रपानी पाण्डे, सहायक प्रजिअ अनुज भण्डारी लगायत अधिकारीले नागरिकता प्रदान गरेका हुन् ।
नागरिकता फाँटका अधिकृत बालमुकुन्द शर्माको हस्ताक्षरित वंशसनको नागरिकता दिन उनी स्वयम् र अर्का अधिकृत निरज श्रीवास्तव तथा नायब सुब्बा रामत्रिपाल महतो पनि पुगेका थिए । नागरिकता प्रदान गर्ने बेला बटेश्वर गाउँपालिका अध्यक्ष रामअशिष महतो, प्रमुख प्रशासकीय अधिकृत राजगिर महतो, वडा नं. १ का वडाध्यक्ष अशोक महतो लगायत गाउँपालिकाका कर्मचारीहरु पनि पुगेका थिए ।
अशक्त छोरा रामबाबुलाई नागरिकता लिन जिल्ला प्रशासन कार्यालयमा लैजान असहज हुने भन्दै घरमै नागरिकता उपलब्ध गराइदिने वातावरण बनाइदिन निवेदन दिएकी थिइन् । निवेदनको आधारमा रामबाबुको नागरिकताको लागि तयार कागजात प्रक्रिया पुर्याएर प्रशासनले घरमै पुगेर नागरिकता प्रदान गरेको हो ।
करिब डेढ दशक अघि बुबा रामसागर गुमाएका रामाबु जन्मजात अपांग हुन् । आफै उठबस, खान लाउन, बोल्न समेत नसक्ने रामबाबुलाई आमा तेतरी देवीले पालनपोषण गर्दै आएकी छन् । उमेर १६ वर्षपुगेपछि नागरिकता नबन्दा चारवर्षदेखि अपांता भत्ताबाट पाउन सकेका थिएनन् ।
तेतरीको एकल महिला सामाजिक सुरक्षा भत्ता तथा जेठो छोरा मनोज कुमार महतोको ज्याला मजदुरीबाट घर चलिरहेको छ । बुबा रामसागरको जन्मसिद्धको नागरिकता हुँदा उमेर पुगेपनि रामाबाबु नागरिकताबाट पाउन सकेका थिएनन् । जन्मसिद्धका सन्तान भएकाले संशोधित नागरिकता विधेयक पास भएपछि मात्र उनले नागरिकता पाउन सकेका हुन् ।
जन्मसिद्धका सन्तान रामबाबु जस्तो अशक्त अपांग सन्तानलाई पहिलोपटक घरमै पुगेर नागरिकता प्रदान गरेको धनुषाका सहायक प्रजिअ अनुज भण्डारीले बताए । प्रमुख जिल्ला अधिकारी पण्डेले पालिकाका जनप्रतिनिधि र कर्मचारीलाई कनुनी प्रक्रिया पुर्याएर यथासिघ्र अपांग भक्ता रामबाबुलाई भत्ता उपलब्ध गराउन आग्रह गरेका छन् ।
