जलेश्वरटुडे समाचारदाता
धनुषा, १६ चैत्र
धनुषा जिल्ला अदालतले रोक्का राख्न गरेको आदेश विपरीत जनकपुरधाम–१ स्थित रामबाबु रमण जयसवालले अस्पताल निर्माण कार्यलाई निरन्तरता दिएका छन् ।
जयसवालले १२ फिटको बाटोमा पर्ने आप्mनो करिब एक कट्ठा आठ धुर जग्गामा अस्पताल निर्माण गर्न लागेका हुन् । सहायक बाटोमा अस्पताल निर्माण गर्न खोज्दा स्थानीयले विरोध गर्दै आएका छन् । करिब तीन वर्षदेखि निर्माणाधीन उक्त अस्पताल भवन निर्माणको लागि जनकपुरधाम उपमहानगरपालिकाका तत्कालीन नगरप्रमुख लालकिशोर साहले इजाजत दिएका थिएनन् । तर, केही दिन अघि मात्र उनले जनकपुरधाम उपमहानगरपालिकाबाट आवासको लागि भवन बनाउन लागेको भनेर इजाजत लिएका थिए । तर, उनले आवासको नाउँमा अस्पताल बनाउन लागेको सुइको पाएपछि स्थानीय चन्द्रदीप यादवले गएको फागुनमा धनुुषा जिल्ला अदालतमा निर्माण कार्य रोक्काको माग गर्दै रिट निवेदन दर्ता गराएका थिए । उनको रिट निवेदनमा सुनुवाई गर्दै धनुषा जिल्ला अदालतले गएको फागुन २४ गते निर्माण कार्य यथास्थितिमा रोक्का राख्न आदेश गरेको थियो । तर, जयसवालले अदालतको आदेशको अपहेलना गर्दै निर्माण कार्यलाई निरन्तरता दिएको स्थानीय यादवले बताए ।
उनले निर्माण कार्य अगाडि बढाएपछि पुनः गएको चैत ९ गते अदालतमा आदेश कार्यान्वयनको लागि रिटनिवेदन दर्ता गराएका हुन् । धनुषा अस्पतालका संचालक समेत रहेका जयसवाल लामो समयदेखि सहायक बाटोमा रहेको निजी जग्गामा अस्पताल बनाउन प्रयासरत्त रहेको अर्का स्थानीय कैलाश साहले बताए । साहको अनुसार एउटा गाडि आवतजावत गर्न कठिनाई भइरहेको बाटोमा अस्पताल निर्माण गर्दा बाटो नै अवरुद्ध हुने र पार्किङ गर्ने जग्गा समेत नरहेकाले आपूmहरुलाई भविष्यमा समस्या हुने बताए । एक कट्ठा आठ धुर रहेको जग्गा मुस्किलले अव एक कट्ठा पुग्ने साहले दावी गरे ।
शुक्रबार बिहान अस्पताल निर्माणस्थल पुगेर प्रहरीले काम बन्द गराएको हो । अस्पताल बनाउन लागेको ठाउँ सांघुरो रहेपनि उपमहानगरपालिकाले आँखा चिमलेर इजाजत दिएकोमा स्थानीयहरुले दुख व्यक्त गरे ।
