सप्ताहव्यापी रुपमा मनाइने सीताराम विवाहपञ्चमी महोत्सव मधेस प्रदेशको राजधानी जनकपुरधाममा मनाइदै छ ।
यस महोत्सवले खास गरेर मधेसका २२ जिल्लाका साथ साथै समग्र नेपाललाई आकर्षित गर्नुका साथै छिमेकी राष्ट्र भारतलाई समेत समेटेको हुन्छ । तेस्रो दिन शनिवार मटकोर बिधि समपन्न भएर विवाहपञ्चमीको अगाडीको कार्यक्रमहरु क्रमशः अगाडी बढने छ । मंसिर ९ गते मंगलबार सीताराम विवाहपञ्चमीको मुख्य दिन रहेको छ । यस दिन माता सीता तथा भगवान रामको शुभ विवाह हुने छ जुन त्रेतायुगको झझ्ल्को दिने विश्वास राखिएको छ । बुधबार रामकलेबा कार्यक्रम भएर विवाहपञ्चमी महोत्सव समपन्न हुने छ ।
यस महोत्सवलाई सफलतापूर्वक समपन्न गर्न चुनौति पनि कम छैन । किनभने यस महोत्सवमा पाल्नुहुने अतिथितिदेखि श्रद्धालुहरुको बास तथा भोजनको व्यवस्थापन अति जरुरी देखिन्छ । यसको लागि यस नगरक्षेत्रमा रहेका शैक्षिक संस्था,धर्मशाला,लाँज तथा होटेलहरुले समेत अगाडी बढेर सहयोग गर्न आवश्यक रहेको देखिन्छ । खानाको लागि यस क्षेत्रमा रहेका विभिन्न कल्व,जातिय संघसंस्था तथा समाजसेवीहरुले समेत अग्रणी भूमिका खेली पुण्यको भागि बन्नबाट पछाडी पर्नु हुदैन जस्तो मलाई लाग्दछ । त्यसैगरी महोत्सवमा भीड व्यवस्थापनमा सुरक्षा निकायको समेत सक्रिय निगरानी आवश्यक देखिन्छ । अस्थायी शौचालय निर्माणदेखि स्थायी सार्वजनिक शौचालयहरुको सरसफाईमा ध्यान दिन आवश्यक रहेको देखिन्छ । मंगलबारको दिन शुभ विवाहको कार्यक्रम रहेकोले सो दिन र रातमा लाइभ टेलिभिजनबाट प्रशारण गर्न सकियो भने यसले यस महोत्सवमा चार चाँद थप्ने पक्का देखिन्छ । अन्त्यमा सम्पूर्ण जनकपुरधाम नगरबासी तथा सम्बन्धीत सरोकारबालाहरुले समेत सक्रिय सहभागिता देखाई यस पर्वलाई सफल बनाउनुपर्दछ ।
