जलेश्वरटुडे समाचारदाता
धनुषा, १२ माघ
पिछडावर्ग ओबिसी महासभाको राष्ट्रिय महाधिवेशन सम्पन्न भएको छ ।
जनकपुरधामस्थित जनकपुर उघोग बाणिज्य संघमा शनिबारदेखि सुरु भएको ओबिसीको राष्ट्रिय महाधिवेशन सोमबार पत्रकार सम्मेलन गरी सम्पन्न भएको हो । महाधिवेशनले राष्ट्रिय अध्यक्षमा रामकुमार महतोसहित ४५ सदस्य केन्द्रिय पदाधिकारी चयन गरेको छ । चयन भएका पदाधिकारीमध्ये अध्यक्षसहित ४१ जना निर्विरोध निर्वाचित भएका थिए भने ४ जनालाई केन्द्रिय कार्यसमितिको पहिलो बैठकबाट मनोनित गरेको छ । महाधिवेशनले पहिचान, अधिकार, सम्मान र नागरिकतालगायतका एजेण्डा तय गरेको जानकारी दिँदै राष्ट्रिय अध्यक्ष रामकुमार महतोले पिछडावर्गले उठाउँदै आएको मागहरुलाई महाधिवेशनबाट थप उर्जा पुगेको पत्रकार सम्मेलनमा बताएका छन् ।
साथै मधेसीहरु लगायत पिछडावर्गललाई नागरिरकता दिनमा आनाकानी गरिरहेको बेला आफूहरु सरकारलाई घँुडा टेकाउने समेत अध्यक्ष महतोले पत्रकारकार सम्मेलनमा बताउनुभयो । वहाँले ५ वटै प्रदेशहरुमा चैत्रभित्र प्रदेशस्तरिय महाधिवेशन गर्ने तथा सोको लागि प्रदेश ईन्चार्ज समेत नियुक्त भइसकेको बताउनुभयो ।
त्यसैगरी यस महासभालाई चौतर्फि रुपमा विकसित तथा शसक्त बनाउन विभिन्न १० वटा क्षेत्रहरुको विभागिय प्रमुख तथा उपप्रमुख समेत नियुक्त गरिएको सम्मेलनमा जानकारी गराउनु भयो ।
महिला तथा बालबालिका प्रमुखमा ईन्दु सिंह,उपप्रमुखमा सुमित्रा मेहता र विणा कुशवाहा,पालिका विभाग प्रमुखमा बबिता देवी(पुर्वे),कृषि तथा सहकारी प्रमुखमा जंगबहादुर महतो ,स्वास्थ्य विभाग प्रमुखमा सुरेश यादव,शिक्षा विभाग प्रमुखमा पवन कुमार साह लहेरी,कला,साहित्य,संस्कृति तथा भाषा विभाग प्रमुखमा नथुनी महतो कुशवाहा,संगठन विभाग प्रमुखमा नागेन्द्र कुमार महतो ,उपप्रमुखमा संजिव यादव र नागेन्द्र प्रसाद कुशवाहा,युवा विभाग प्रमुखमा दिपलाल महतो,प्रशासन विभाग प्रमुखमा शशि कुमार महतो र संचार विभाग प्रमुखमा रविन्द्र यादव सर्वसम्मतिबाट चयन भएको अध्यक्ष महतोले बताउनुभयो ।
साथै नागरिकता समस्या लगायत अन्य समस्याहरु समाधानका लागि अध्यक्ष महतोको नेतृत्वमा ९ सदस्ययी संघर्ष समिति समेत चयन गरिएको तथा सबैलाई यस राष्ट्रिय आन्दोलनमा भाग लिन समेत अपिल गर्नुभयो । महाधिवेशनले हिजोको कामको समिक्षा गर्दै पिछडावर्ग अन्तर्गत पर्ने ३५ वटा जातिको भाषा, संस्कृति, संरक्षण, सम्बद्र्धन, प्रबद्र्धन तथा आरक्षणसहित सबै किसिमको विकासको एजेन्डा तय गरेको छ । महाधिवेशनमा पूर्वमेचीदेखि मधेशको २१ जिल्लाका गरि २ सय ५५ जना महाधिवेशन प्रतिनिधिको सहभागिता थियो भने पर्येवक्षक आमन्त्रित गरि लगभग ५ सय बढीको संख्यामा सहभागिता रहेको अध्यक्ष महतोले बताए ।
