जलेश्वरटुडे समाचारदाता
जनकपुरधाम, ५ मंसिर
ज्ञान गंगा ईन्टरनेशनल पब्लिक स्कुलले अद्र्धबार्षिक परीक्षामा उत्कृष्ट भएका विद्यार्थीहरुलाई आकर्षक पुरस्कारहरु बाँडेका छन् ।
ज्ञान गंगा ईन्टरनेशनल पब्लिक स्कुलका विभिन्न कक्षामा अध्ययनरत विद्यार्थीहरुले एक कार्यक्रम विभिन्न आकर्षक पुरस्कारहरु पाएर खुशि देखिएका थिए । यस विद्यालयले प्रत्येक त्रैमासिक परीक्षामा उत्कृष्ट विद्यार्थीहरुलाई केही न केही आकर्षक पुरस्कारहरु दिएर उनीहरुलाई प्रोत्साहित गरेका हुन्छन् ।
यस पटक पनि सो विद्यालयको प्रधानाध्यापक प्रा.पवन कुमार साहले सबै विद्यार्थीहरुलाई विभिन्न आकर्षक पुरस्कारहरु बाँडेर सबैलाई उत्प्रेरित गर्नु भएको थियो ।
सो कार्यक्रममा उपस्थित अभिभावक हरुले समेत यस भेगमा यस विद्यालयले राम्ररी अध्ययन अध्यापन गराई रहेको बताए । यस विद्यालयले कम खर्चमै जनकपुरधाम भन्दा उत्कृष्ट पठ्नपाठ्न गराएर विद्यार्थीहरुलाई ८ वर्षदेखि सेवा दिइरहेको अर्काे अभिभावकले थपे ।
त्यसैगरी यस विद्यालयले अहिलेसम्म विभिन्न उच्च व्यक्तित्वहरुलाई आमन्त्रित गर्नुका साथै विदेश भारतबाट समेत समय—समयमा प्रशिक्षकहरु बोलाएर विद्यार्थीहरुका सर्वाङगीण विकासका लागि हरदम प्रयासरत रहेको देखिन्छ । कार्यक्रममा शिक्षक तथा शिक्षिकाहरुको सक्रिय उपस्थिति देखिएको थियो । कार्यक्रम संचालन तथा उद्घोषण शिक्षिका रोशनी यादवले गरेकी थिइन् ।
