जलेश्वरटुडे समाचारदाता
काठमाडौं, २२ आश्विन
एम्सका डाक्टरले आफ्नो रिपोर्टमा सुशान्त सिंह राजपूतको हत्या भएको अस्विकार गर्दै उनले आत्महत्या गरेको जानकारी दिएका छन् ।
यस विषयमा सोसल मिडियामा पुनः बहस सुरु भएको छ । यसैबीच स्वरा भास्करले कंगनामाथि कटाक्ष गरेकी छिन् । यस्तै ट्वीटरमा ३प्बलनबलबब्धबचमध्बउबकप्बच ट्रेन्ड भइरहेको छ । स्मरण रहोस्, कंगनाले केही दिन अघि अन्तरवार्तामा यदि उनी सुशातको मृत्युमाथि आफ्नो दाबी प्रमाणित गर्न फेल भएको अण्डमा उनी आफ्नो पद्मश्री अवार्ड फिर्ता गरिदिने बताएकी थिइन् । यतिमात्रै होइन, कंगनाले बलिउडको ‘नेपोटिजम ग्याङ्ग’ माथि मज्जाले निशाना साँधेकी छिन् र उनले सुशान्तलाई मारिएको बताएकी थिइन् । स्वराले कंगनाको नाम नलिइकनै उनीमाथि कटाक्ष गर्दै लेखेकी छिन्, ‘अब त दुबै सिबिआई र एम्सले निष्कर्ष निकालेका छन् कि सुशान्तको मृत्यु हत्या नभई आत्महत्याका कारण भएको हो । कसैले सरकारले प्रदान गरेको पुरस्कार फिर्ता दिन्छु भनेका थिएनन् र ?’
