जलेश्वरटुडे समाचारदाता
बारा, १२ बैशाख
बारा २ को मतगणनामा जनमत पार्टीका उम्मेदवार शिवचन्द्र कुशवाहाले जनता समाजवादी पार्टीका उम्मेदवार उपेन्द्र यादवसँगको मतान्तर घटाउँदै लगेका छन् ।
मंगलबार साँझ प्राप्त मत परिणाम अनुसार जसपाका यादवले १८ हजार ८०८ मत पाउँदा जनमतका कुशवाहाले १५ हजार ४५८ मत पाएका छन् ।
दुबैजनाबीचको मतान्तर ३ हजार ३५० छ ।
मंगलबार दिउँसोसम्म यादव र कुशवाहबीचको मतान्तर ५ हजार भन्दा बढी थियो ।
यस्तै, एमाले उम्मेदवार पुरुषोत्तम पौडेलले ५ हजार ५६३, राष्ट्रिय स्वतन्त्र पार्टीका रमेश खरेलले २२६८ र आम जनता पार्टीका उम्मेदवार अरुण ज्ञवालीले २ हजार १० मत पाएका छन् ।
