जलेश्वरटुडे समाचारदाता
काठमाडौं, २९ श्रावण
सर्वाेच्च अदालतले खोप केन्द्रसम्म जान नसक्ने जेष्ठ नागरिक, अशक्त तथा अपाङ्गता भएका र दृष्टिविहीनलगायत दीर्घरोगीहरुलाई घर–घरमै गएर खोप सेवा उपलब्ध गराउन आदेश दिएको छ । न्यायाधीश प्रकाश ढुङ्गानाको एकल इजलासले अधिवक्ता प्रवेश केसीको रिटमाथि सुनुवाइ गर्दै शुक्रबार (आज) यो प्रकृतिको आदेश दिएको हो । अदालतले अशक्त, अपाङ्ग र दीर्घ रोगी तथा थला परेकाहरुको वडास्तरबाट लगत संकलन गरी घर–घरमै खोप सेवा उपलब्ध गराउन आदेश जारी गरेको हो । संविधानले दिएको मौलिक हक कार्यन्वयनका सन्दर्भमा अदालतले यस्तो आदेश दिएको हो ।
