जलेश्वरटुडे समाचारदाता
महोत्तरी, २९ आश्विन
बलत्कारीलाई फाँसीको व्यवस्था गर्नुपर्ने माग राख्दै महोत्तरीको बर्दिबासमा जनसहयोगी युवा सञ्जाल बर्दिबासले प्रदर्शन गरेका छन् ।
‘र्यालीमा ‘आफ्नो छोरी चेलीको अस्मिताको पहरेदार आफैँ बनौँ, बलात्कारीलाई फाँसी दे’ जस्ता नारा लगाइएको थियो । र्यालीपछि देशमा बलत्कारीलाई बचाउन राजनिती गतिविधी बारे सडक नाटक मार्फत आम जनतालाई सचेत गराएका थिए । बलत्कारीलाई फाँसीको व्यवस्था कानूनीरुपमा नै हुनुपर्ने जनसहयोगी युवा सञ्जालका अध्यक्ष परमेश्वर महतोले जोडदार माग गरेका छन् । पञ्चधुरा होटलको अगाडी बाट विभिन्न संघसंस्थाका सदस्यहरुहरुको सहभागीतामा सुरु भएको र्याली बर्दिबास बजार परिक्रमामा गरी सिन्धुली रोडमा बलात्कारको सिकार भइ ज्यान गुमाएकाहरु प्रति दीप प्रज्जवलन गरेर सम्पन्न भएको थियो ।
