जलेश्वरटुडे समाचारदाता
काठमाडौं, १६ श्रावण
महोत्तरीकाे गौशाला नगरपालिकामा २०७८ चैत २२ गते नेपाल सरकारले गौशालामा स्थापना भएको एकीकृत सेवा केन्द्र अन्तर्गत मालपोत र नापी कार्यालयको यथासिघ्र सेवा सुचारुका लागि प्रधानमन्त्री पुष्पकमल दाहाललाई ज्ञापनपत्र बुझाई्एको छ ।
सोमबार प्रधानमन्त्री कार्यालय पुगेका महोत्तरीका सर्वदलीय टोलीको तर्फबाट नेपाली कांग्रेसका नेता एबम पुर्वसभासद सीताराम भण्डारीले सो ज्ञापनपत्र प्रधानमन्त्री प्रचण्डलाईं बुझाईएको हो ।
गौशालाबाट आएको पूर्वसभासद, जनप्रतिनिधी, व्यापारी तथा राजनितीकदलका प्रतिनिधीहरुले सो ज्ञापनपत्र बुझाएको हो ।
गौशाला नगरपालिका नगर प्रमुख डा.दिपेन्द्र महतो,औरही नगरपालिका नगर प्रमुख प्रदिप कुमार खड्का,सोनमा गाउँपालिका गाउपलिका अध्यक्ष बिशेस्वर यादव लगायत राजनीति दल, ब्यपारीवर्गहरु लगायतका टोलीले छिटो भन्दा छिटो नापी र मालपोतको सेवा गौशालाबाट संचालन गर्नुपर्ने सो भेटको क्रममा प्रधानमन्त्रीलाई जानकारी गराएको थियो ।
यता रामगोपालपुर नगरपालिका र सम्सी गाउपालिकाको सेवा रामगोपालपुरबाट संचालन गर्नका लागि प्रधानमन्त्री समक्ष जानकारी गराईएको टोलीमा सहभागी पुर्व साँसद गिरीराजमणि पोखरेलले जानकारी गराएका छन् । भेटको क्रममा प्रधानमन्त्रीले सकभर चाँडै नै सेवा संचालनमा आउने प्रतिबद्धता ब्यक्त गरेका छन् ।
